Member
Firwat sinn ech Juso ginn?
Als ganz Jonken hunn ech mech schonn un der Idee gestéiert dass an dësem Land an op dëser Welt net jiddereen à priori déi selwecht Chancen sollt hunn, fir d‘Entwecklung an d‘Gestaltung vu sengem Liewen. Fir mech gouf et do nëmmen eng Partei déi sech mat kloren an awer och realiséierbaren Ideeën fir d‘Chancegerechtegkeet agesat huet: d‘LSAP, d‘Sozialisten.
Wat sinn meng Ideen?
Mir ass et immens wichteg fir déi Jonk un d‘Politik erunzeféieren, a si derfir ze interesséieren. Alles wat haut bestëmmt gëtt, betrëfft eis muer. Sief et a punkto Wahlrecht, Familljepolitik, Entreprenariat oder am Logement, wou endlech massiv eppes ënnerholl muss ginn.
